Noticias

  • 19
    OCT
    2017
    O próximo 27 de outubro DOA Saúde Mental celebra unha gala de conmemoración do seu 30º aniversario, ás 20:00 horas, no Cinema Teatro Salesianos de Vigo. O evento será conducido polo showman vigués Carlos Veleiro e contará coa colaboración desinteresada do Club Maniotas de Vigo, Mayeusis Conservatorio dás Artes Fundación e Escuchando Elefantes
  • 19
    OCT
    2017
    Os días 3 e 4 de novembro de 2017 desenvolveranse en Vigo as "II Xornadas municipais: Unidas contra as violencias machistas. O camiño cara ao Pacto de Estado", organizadas pola Concellería de Igualdade e mailo Consello Municipal da Muller de Vigo.

    O aforo é limitado e as prazas outorgaranse por rigorosa orde de inscrición enviando cuberta a folla de inscrición do folleto (ou enviando todos os datos que na folla se solicitan) a través do email: xornadas.igualdade@vigo.org ou a través do fax 986 430 082.

    Ao témino das xornadas entregarase diploma acreditativo de asistencia ás persoas inscritas que asistisen a todas as sesións.
     
  • 16
    OCT
    2017
    A Asociación Cidadá de Loita contra a Droga "Alborada" organiza un curso de agricultura ecolóxica de 600 horas, que consiste en clases teóricas e prácticas, obtención do carné fitosanitario e saídas a empresas e centros de investigación. O curso comenza o 17 de outubro e as persoas interesadas poden realizar a inscrición chamando ao telefono 986.22.48.48 
     
  • 16
    OCT
    2017
    O Foro Galego de Estudo da Personalidade (FGEP) informa que se viu obrigado a postergar a celebración das XI Xornadas de Actualización en Personalidade, que ían celebrarse en Vigo os próximos días 20 e 21 de outubro no Hospital Álvaro Cunqueiro. Por este motivo, durante 2018 celebraranse 2 encontros: o primeiro os días 16 e 17 de febreiro, coa temática prevista no programa de 2017 "Os TP no século XXI" e o segundo, os días 16 e 17 de novembro, coa temática de "DBT: As miñas supervisións con Marsha Lineham" 

  • 16
    OCT
    2017
    O próximo 12 de novembro, a Asociación Érguete organiza a 3ª edición da súa carreira solidaria, un percorrido pensado para que calquera poida participar. Se che gusta ir en bicicleta apúntache á pedalada, e se o teu é correr podes elixir entre o percorrido de 5km ou o de 10Km cronometrado. Os nenos entre 3 e 9 anos teñen a súa propia carreira, a Érguete Miudos.
  • 11
    OCT
    2017
    AMINO GALICIA organiza cursos de diferentes niveis de especialización sobre Abuso Sexual Infantil, con formadores de ampla traxectoria profesional, que compartirán a súa experiencia no campo para que a atención a menores vítimas de abusos sexa de mellor calidade.
  • 10
    OCT
    2017
    Este ano o lema internacional elixido é  "saúde mental no lugar de traballo”, co obxectivo de chamar a atención sobre a importancia de promover a saúde mental no ámbito laboral e a necesidade de mellorar a integración laboral das persoas afectadas por unha enfermidade mental.
     
  • 04
    OCT
    2017
    Xa está aberto o prazo de matriculación para a terceira edición do Curso de Formación de Mediadores para o Apoio a Persoas con VIH que se impartirá na UNED en colaboración coa Sociedade Española Interdisciplinaria da Sida (SEISIDA) e a Coordinadora Estatal de VIH-Sida (CESIDA). O curso, dotado de 18 créditos e que outorga unha titulación de Experto Profesional, ofrece unha formación para mellorar a capacidade e as habilidades daquelas persoas que estean interesadas en ofrecer apoio a persoas con VIH de forma profesionalizada e como elemento complementario aos profesionais que atenden a súa saúde. 
    Este curso diríxese a formar a mediadores co fin de que faciliten condutas de saúde e presten apoio social a persoas con VIH. Toda a información está dispoñible nesta ligazón:
  • 27
    SEP
    2017
    A Asociación Cidadá de Loita contra a Droga (ACLAD) Alborada organiza unhas xornadas formativas para pacientes e familiares sobre drogodependencias e novas adiccións baixo o lema "motivos para a esperanza. As actividades desenvolveranse os sábados para partir do 30 de setembro, na sala de seminarios do Teatro Afundación de Vigo.
  • 12
    SEP
    2017
    O PLDA anuncia a celebración das súas XI Xornadas o próximo 1 de decembro. Nesta ocasión, baixo o lema "Por un traballo integral", preténdese mostrar algunhas das accións máis relevantes levadas a cabo polas diferentes entidades que desenvolven a súa actividade en Vigo durante o período 2011-2016.
     

1  | 2 | 3 | 4 | 5 | 6 | 7 |  8  
 voltar
  • Calle Quintela 31 | 36009 Vigo
  • Telefono: 986 276 008 | email: plda@vigo.org
  • Horario: de 8:00 a 15:00 horas.