Ámbito laboral

 

Existe unha evidencia clara de que a prevalencia de consumo das distintas drogas, legais e ilegais, entre as persoas traballadoras supera a rexistrada entre o conxunto da poboación xeral. Isto débese a que sobre as persoas traballadoras converxen, ademais de diversos factores de risco extralaborais (de carácter persoal, familiar e social), outros directamente relacionados coa actividade laboral.

 

As actividades preventivas a desenvolver con esta poboación, tal como propón o Plan Nacional sobre Drogas, deben incardinarse como parte do desenvolvemento da Lei de prevención de riscos laborais.

 

A implementación das accións preventivas neste ámbito require a implicación tanto das empresas como dos e das traballadoras e a súa representación sindical (comités de empresa), conxuntamente cos servizos de prevención de riscos laborais.