Novas

Xa está aberto o prazo de matriculación para a terceira edición do Curso de Formación de Mediadores para o Apoio a Persoas con VIH que se impartirá na UNED en colaboración coa Sociedade Española Interdisciplinaria da Sida (SEISIDA) e a Coordinadora Estatal de VIH-Sida (CESIDA). O curso, dotado de 18 créditos e que outorga unha titulación de Experto Profesional, ofrece unha formación para mellorar a capacidade e as habilidades daquelas persoas que estean interesadas en ofrecer apoio a persoas con VIH de forma profesionalizada e como elemento complementario aos profesionais que atenden a súa saúde. 

Este curso diríxese a formar a mediadores co fin de que faciliten condutas de saúde e presten apoio social a persoas con VIH. Toda a información está dispoñible nesta ligazón:

A Asociación Cidadá de Loita contra a Droga (ACLAD) Alborada organiza unhas xornadas formativas para pacientes e familiares sobre drogodependencias e novas adiccións baixo o lema "motivos para a esperanza. As actividades desenvolveranse os sábados para partir do 30 de setembro, na sala de seminarios do Teatro Afundación de Vigo.

O PLDA anuncia a celebración das súas XI Xornadas o próximo 1 de decembro. Nesta ocasión, baixo o lema "Por un traballo integral", preténdese mostrar algunhas das accións máis relevantes levadas a cabo polas diferentes entidades que desenvolven a súa actividade en Vigo durante o período 2011-2016.

 

Un estudo realizado pola Unión de Asociacións e Entidades de Atención ao Drogodependente (UNAD), sobre os datos das 56.160 persoas atendidas durante 2016 nas 158 organizacións desta rede, indica que o alcol foi a droga máis consumida polas persoas atendidas e que as mulleres que solicitaron axuda para deixar esta sustancia (31%) superaron por primeira vez aos homes (27%) que acudiron a consulta.

Campaña educativa para a prevención de violencias sexuais en espazos festivos.

É unha iniciativa do Observatorio Noctámbul@s, proxecto da Fundación Salud y Comunidad, e foi realizado xunto coa Cooperativa de Tècniques e a ilustradora Alba Feito.