Novas

O xoves 27 de xuño celébrase o I Foro de innovación para as asociacións de pacientes da área sanitaria de Vigo, coa participación das asociacións Afaga, Agavih, Avempo, Doa, Bicos de Papel e Asociación Galega de Fibrose Quística, que darán a coñecer os seus proxectos de innovación. A actividade desenvolverase no salón de actos do hospital Álvaro Cunqueiro de Vigo, entre as 17:00 e 19:45 horas. A entrada é libre. 

A Universidade de Vigo organiza un curso sobre vida saudable, desde a perspectiva do ciclo vital das mulleres. Esta actividade desenvolverase no Auditorio Municipal de Catoira os días 3, 5 e 5 de xullo. O prazo de inscrición finaliza o 28 de xuño.

O Centro Integral de Inclusión e Emerxencia Social do Concello de Vigo (CIIES) organiza a II Xornada de portas abertas e celebración dos Maios que vai ter lugar nas instalacións do centro na Rúa Marqués de Valterra, nº6 (entrada polo acceso da Rúa Jacinto Benavente), o vindeiro mércores 29 de Maio entre as 16:30 h e 20:00 h, estando prevista unha visita guiada polo centro de 19:15 h a 20:00 h.

O alumnado de 1º Integración Social do Colexio San José de la Guía e os residentes da Fundación de la Santa Cruz, coa colaboración de  Xaruma, Centro de día Atalaia, Provivienda, Plan comunitario de  Teis e outras entidades, organizan este evento con obxecto de dar visibilidade ao social e empoderar ás persoas coas que traballan.

En 2019 a Fundación Érguete-Integración cumpre 20 anos. Con este motivo, o próximo 20 de xuño, no salón de actos do Museo de Arte Contemporánea (MARCO) de Vigo, celebrarase unha xornada conmemorativa á que se convida a todas as persoas que estean interesadas en coñecer a actividade da Fundación e compartir este día.

A sociedade científica Socidrogalcohol organiza un curso online de formación básica e troncal en condutas adictivas para profesionais sociosanitarios. O obxectivo é ofrecer aos profesionais que traballan en adiccións, sexan da disciplina que sexan, unha formación básica e común para o todo o territorio español, que profunde nas condutas adictivas e as súas complicacións.

O curso de Auxiliar de Restaurante-Bar, que terá lugar do 6 de maio ao 7 de xullo en Nigrán, formará a persoas que se atopan en busca activa de emprego para que podan adquirir as competencias necesarias para favorecer a súa incorporación ao mercado laboral no ámbito da hostalaría

Este programa formativo encádrase no proxecto Emprego Inclusivo promovido pola Deputación de Pontevedra e desenvolvido coa colaboración do Concello de Nigrán.

A asociación Amaina celebra o seu 5º aniversario no OMD Casco Vello (rúa Oliva 12, Vigo) o martes 7 de maio, ás 18:00 horas

DOA - Saúde Mental celebra o próximo 7 de maio unha xornada de portas abertas para que as persoas interesadas poidan coñecer de primeira man as súas instalacións e o labor social que veñen desenvolvendo desde hai máis de 30 anos.
Máis información