Novas

Manuel Isorna, Doutor en Psicoloxía e profesor da Universidade Vigo, publica un artigo de opinión na web de Socidrogalcohol no que reflexiona sobre o fenómeno de captura corporativa da saúde pública, referido a cando as políticas afectan a determinantes comerciais da saúde como, por exemplo, o alcol, os alimentos ultraprocesados, o tabaco, as bebidas azucradas ou o cannabis, entre outros.

A Fundación Érguete Integración ofrece un servizo de atención directa e individualizada, co obxectivo de detectar necesidades, estudar casos concretos, valorar demandas e levar a cabo unha intervención baseada na información, asesoramento, mediación, atención, tramitación e acompañamento ás mulleres, así como ás vítimas de violencia de xénero, para facer unha intervención global que permita a consecución da igualdade efectiva entre mulleres e homes.

Máis información

A Concellería de Igualdade e mailo Consello Municipal da Muller de Vigo organizan diversas actividades con motivo do Día Internacional das Mulleres: proxección de filmes, recital aberto de poesía de xénero con Iolanda Zúñiga, entrega do VII premio de Igualdade Ernestina Otero a Mª Xosé Queizán, visita guiada ao Roteiro feminino Sons de Mulleres a cargo de María Casar, actuación musical do grupo "Habelas Hainas", contacontos de igualdade a cargo de Paula Carballeira, pleno específico do Consello Municipal da Muller, etc.

O día 9 de xaneiro lanzouse a nova campaña de sensibilización da FAD, co obxectivo de desmontar diferentes estereotipos que condicionan a mirada adulta sobre a xuventude. Estereotipos que, grazas ás investigacións realizadas polo Centro Reina Sofía da  FAD, sabemos que non son certos como, por exemplo, que non se comprometen socialmente; que non se esforzan, nin estudan, nin traballan;  ou que dedican todo o seu lecer a saír de festa, " desfasar” e consumir drogas.

O vindeiro día 15 de marzo celebrarase un World Café en Vigo co tema "Liderado das mulleres e corresponsabilidade” como eixo central. Esta actividade enmárcase dentro do programa "Terceiro sector en Igualdade”, financiado polo Ministerio de Sanidade, Consumo e Benestar Social e está organizado pola Federación de Mujeres Progresistas, coa colaboración da Fundación Érguete Integración, co obxectivo de promover a incorporación da perspectiva de xénero a todos os niveis nas entidades do Terceiro Sector.

Desde a súa constitución, o 4 de novembro de 1999, a Fundación Érguete-Integración vén traballando de forma ininterrompida para o apoio, axuda e asistencia ás persoas máis desfavorecidas no seu camiño á incorporación laboral e social, no intento de mellorar a situación daquelas persoas que pertencen aos colectivos máis vulnerables, a través de accións que fomentan a formación profesional, ocupacional e prelaboral, a reeducación, a incorporación social e laboral e a alfabetización.

Xa está aberto o prazo de inscrición para a IV edición ÉRGUETE E CORRE que se celebrará en Vigo o próximo día 31 de marzo de 2019. Como xa é habitual a actividade estará composta por distintas probas, con obxecto de facilitar a máxima participación. Ao finalizar, master class zumba, sorteo de agasallos e, por suposto, avituallamiento, mochilas e camisetas para todas as persoas participantes. As 100 primeiras inscricións entrarán no sorteo dunha noite de hotel nun establecemento da marca Galicia Calidade.