Incorporación social >
Obxectivos do PLDA
1. Promover a coordinación e unidade
de criterios entre os distintos dispositivos que traballan na área
de incorporación social a través de encontros e intercambios
profesionais
Obxectivos específicos
- Favorecer a coordinación e organización das entidades para chegar a acordos nos obxectivos e programas a desenvolver.
- Analizar a situación sociosanitaria e de inserción social na área de Vigo propiciando o debate e a búsqueda de solucións coordinadas.
- Elaborar documentos e guías para a actuación coordinada na abordaxe das actuacións na área de incorporación social.
Estratexias
- Análise da situación socio sanitaria e de inserción social da cidade de Vigo en relación aos/ás usuarios/as das entidades que traballan no eido da incorporación social.
- Establecer cauces de coordinación cos servizos sanitarios, sociais e de incorporación sociolaboral.
- Definición do itinerario de inserción das persoas con problemas de adiccións, en especial daquelas en situacións carenciais especificas: mulleres, poboación reclusa e exreclusa, persoas sen teito e as persoas con patoloxía de saúde mental.
- Desenvolvemento de protocolos operativos de coordinación e actuación que servan ás entidades implicadas na atención ás persoas con problemas de adiccións.
2. Promover a atención das
necesidades sociais e laborais das persoas con problemas de adiccións
favorecendo os procesos de normalización social.
Obxectivos específicos
- Promover a atención das necesidades básicas facilitando e mellorando o acceso aos recursos existentes
- Potenciar o mantemento e a creación de novos dispositivos para cubrir as necesidades básicas daquela poboación carente de vivenda ou en situación de risco de exclusión.
- Favorecer e procurar que as persoas con problemas de adiccións da área de Vigo accedan a unha formación que mellore a súa capacitación para o emprego.
- Incidir na mellora dos mecanismos de acceso ao emprego para as persoas con perfil de difícil empregabilidade.
Estratexias
- Desenvolvemento de accións tendentes á consecución de recursos que garantan residencia ás persoas en risco ou en situación de exclusión.
- Creación do centro de emerxencia social en Vigo.
- Analizar os programas de formación e emprego para as persoas en situación ou risco de exclusión social e diseñar liñas de mellora.
- Coordinación coas institucións con competencias sociais e laborais, e en especial co Concello de Vigo, para aumentar o nivel de integración laboral.
- Crear un grupo da promoción das claúsulas sociais e do seguimento das mesmas.
3. Mellorar a planificación e xestión
dos programas que se levan a cabo polas entidades colaboradoras do
PLDA para que se desenvolvan con criterios de calidade, sen ser
excluíntes e atendendo a evidencias científicas, medibles e
avaliables
Obxectivos específicos
- Implementar e favorecer o desenvolvemento de proxectos e programas dentro da estructura de planificación local.
- Promover a formación continuada dos e das profesionais que están a traballar no eido da incorporación social.
- Canalizar desde o PLDA a posibilidade de formación en temas de calidade, normativa (ISO 9001, EFQM,…), plans estratéxicos, para as entidades colaboradoras do plan.
Estratexias
- Ofrecer recursos de formación e asesoría a profesionais para que poidan levar a cabo a planificación e avaliación dos programas nos que traballan con criterios de calidade.
- Axudar a crear un sistema de indicadores de avaliación dos programas desenvolvidos no eido da inserción sociolaboral.
- Promover desde o Plan accións formativas dentro do eido da xestión de procesos.
- Mobilización de vías de axuda económica para a financiación das entidades en temas de xestión de calidade.
4.- Mellorar a imaxe social das persoas
con problemas de adiccións
Obxectivos específicos
- Desenvolver medidas dirixidas á superacion de actitudes discriminatorias e excluíntes, propiciando a xeración dunha conciencia social solidaria e participativa.
- Promover actuacións informativas e de sensibilización cara á comunidade sobre o tratamento e a inserción social no ámbito das drogodependencias.
- Desenvolver e apoiar medidas institucionais e sociais encamiñadas a mellorar a imaxe social da poboación drogodependente.
Estratexias
- Desenvolvemento de actividades de concienciación e sensibilización dirixidas á poboación, con obxecto de incidir na modificación de actitudes e comportamentos.
- Actuacións de carácter formativo e informativo sobre os distintos recursos que o concello e as diferentes ONG e movementos asociativos levan a cabo para a abordaxe das drogodependencias.
- Promover a existencia de canles de comunicación e colaboración con estructuras de índole empresarial e laboral (confederacións do empresariado, sindicatos, fundacións, etc.), incidiendo positivamente na súa sensibilización ante os colectivos en risco de exclusión.
5. Introducir a perspectiva de xénero
na atención das persoas con trastornos adictivos
Obxectivos específicos
- Impulsar o acceso das mulleres con condutas adictivas víctimas de violencia de xénero aos recursos específicos.
- Introducir a perspectiva de xénero na abordaxe das persoas con trastornos adictivos.
- Impulsar a formación dos e das profesionais das entidades en perspectiva de xénero.
Estratexias:
- Actuacións encamiñadas a fomentar a investigación sobre cuestións de xénero relacionadas coa saúde e as drogas na procura da xeneración de evidencia científica.
- Elaboración dun programa formativo sobre xénero e drogas destinado ás e aos profesionais das entidades.
- Realización de actividades tendentes a coñecer a influencia do xénero na accesibilidade aos distintos servizos, e analizar a realidade no ámbito do concello de Vigo.
- Calle Quintela 31 | 36009 Vigo
- Telefono: 986 276 008 | email: plda@vigo.org
- Horario: de 8:00 a 15:00 horas.
