O consumo de drogas constitúe un dos problemas máis importantes aos que se enfronta a sociedade actual, pola súa extensión e graves consecuencias a nivel individual, familiar e social.

O PLDA de Vigo desenvolve, mediante colaboración entre as administracións e as diversas entidades que traballan no ámbito das adiccións, un conxunto de programas e intervencións estructuradas, planificadas e coordinadas para o abordaxe desta complexa problemática na nosa cidade.

Esta web quere ser un punto de referencia para informarse, participar e acceder a unha ampla variedade de recursos dispoñibles en Vigo para atender as diferentes necesidades en materia de condutas adictivas.
 

EVENTOS DE INTERESE

Noticias

  • 22
    OCT
    2020
    Socidrogalcohol decidiu manter a edición das súas XLVII Xornadas Nacionais este ano, celebrándoas nun formato totalmente virtual, desde o 30 de novembro ao 4 de decembro, que tamén permitirá poder visualizar todo o contido durante 1 mes tras a realización do evento
  • 13
    OCT
    2020
    Investigación en tempos de pandemia é o título da  XXII edición do Curso de Investigación en Psiquiatría que se celebrará o venres 16 de outubro de 2020 no Salón de Actos do Hospital Álvaro Cunqueiro de Vigo, a partir das 16:30. Nesta ocasión, debido á situación xerada pola pandemia covid-19, o formato combinará un grupo presencial e participantes por vía telemática.
  • 08
    OCT
    2020
    A Consellería de Sanidade organiza mañá, 9 de outubro, un acto conmemorativo con motivo do día mundial da saúde mental que será retransmitido en  streeming a partir das 10 da mañá.
  • 06
    OCT
    2020
    Salud Mental España organiza unhas xornadas online, cuxa inscrición é gratuíta e aberta a todas as persoas que desexen participar.
    Intervirán especialistas que falarán sobre diversos temas relacionados co lema do Día Mundial da Saúde Mental deste ano: investimento en saúde mental, educación, persoas vulnerables, e emprego.

  • 29
    SEP
    2020
    O próximo xoves día 8 de outubro, a través da aplicación Zoom Meetings, a Asociación Érguete celebrará o seu 35º aniversario con dúas conferencias educativas. Desta maneira mantense a celebración da cuarta edición da Viaxe Educativa para demostrar con expertos e expertas que unha educación diferente é posible.


  • 25
    SEP
    2020
    O Ministerio de Sanidade, en colaboración cun grupo de persoas expertas, realizou unha revisión da evidencia dispoñible para actualizar o límite de consumo de alcol de baixo risco, co fin de diminuír os problemas de saúde, lesións, danos a terceiras persoas e consecuencias sociais e económicas do seu consumo
  • 10
    NOV
    2019
    O comité científico do II Congreso Internacional sobre Cannabis, celebrado en Catoira os pasados 7, 8 e 9 de novembro, outorgou o premio ao mellor póster ao traballo titulado "cannabis e xénero: entender e previr desde a evidencia".
  • 28
    OCT
    2019
    O Foro Galego para o Estudo da Personalidade ( FGEP) organiza o  XIII Congreso Nacional de Trastornos de Personalidade, que se celebrará en Vigo do 11 ao 13 de xuño de 2020. As persoas interesadas poden xa realizar a súa inscrición e consultar toda a información relativa ao evento na páxina web do congreso
  • 15
    DIC
    2018
    A Delegación do Goberno para o Plan Nacional sobre Drogas publicou o seu Plan de Acción sobre Adiccións 2018 - 2020, para o desenvolvemento da Estratexia Nacional sobre Adiccións 2017 - 2024. O documento contempla 112 actividades que pretenden materializar 36 accións estratéxicas, distribuídas en 13 áreas de actuación.
     
  • 30
    AGO
    2018
    A organización do 1º Congreso Internacional sobre o Cannabis e os seus derivados: saúde, educación e lei, celebrado o pasado mes de novembro de 2017 en Catoira, acaba de publicar o libro de actas editado a partir dunha selección das comunicacións orais e póster presentados ao evento. No libro recóllense 25 estudos de diferentes grupos de investigación, sobre aspectos sanitarios, culturais, económicos e sociais/antropolóxicos do consumo do cannabis.
  • 28
    AGO
    2018
    O consumo de tabaco, alcol e outras drogas constitúen os principais factores de risco de anos perdidos por enfermidade ou morte prematura en homes, segundo un estudo sobre datos de 2016. No caso das mulleres, estes factores ocupan as posicións quinta e sexta, por detrás do índice de masa corporal elevado, presión sistólica elevada, riscos relacionados coa dieta e glicosa plasmática en xaxún elevada.
  • 07
    MAY
    2018
    Os grupos de Psiquiatría e Neurología do Instituto de Investigación Sanitaria Galicia Sur colaboran con CEDRO e outras Unidades Asistenciais de Drogodependencias de Galicia e norte de Portugal nun proxecto financiado polo Plan Nacional sobre Drogas do Ministerio de Sanidade.
     
     
     
     
     
  • 09
    FEB
    2018
    O Goberno aprobou a primeira Estratexia Nacional sobre Adiccións 2017-2024, na que se priorizarán actuacións sobre os menores, as mulleres, e os  maiores de 64 anos. Unha das principais novidades é a introdución de actuacións fronte ás chamadas "adiccións sen substancia”, como as novas tecnoloxías, o xogo e os videoxogos.

Ler máis novas

  • Calle Quintela 31 | 36009 Vigo
  • Telefono: 986 276 008 | email: plda@vigo.org
  • Horario: de 8:00 a 15:00 horas.